Pictures : pls save OJB

Some entertainers and group media friends go visit producer Ojb Jezreel for him house at No 4, Gbaja street, surulere on Monday June 24, 2013.

The support wey people dey give Ojb don increase so tay fans and colleagues don dey try their best to donate wetin dem fit donate, and they also visit the Singer/producer for him house in Surulere.

Some of them come donate , some just wan come visit am just to know how e dey go for am , vector na him we see say him dey pray for the ailing singer/producer . E neva too tay wey Don Jazzy donate N1 million to help OJB raise the money for him kidney problem. 

People wey come visit OJB for him house na Vector, Yemi Alade, Dj Jimmy Jatt, Jaywon, Kag, Mr Cool and other people .

@9jawetindey prayer be say make God send am help from above and make divine healing be him portion.

Read More

PICTURES: DAVIDO ROCKING EUROPE (exclusive)

see as omo baba olowo dey rock Europe!!!

Read More

VIDEO: SEE IYANYA FOR BBC INTERVIEW

Read More

MORE PICTURES Dis Rihanna Girl Ehnn

Rihanna can like to smoke IGBOOO!!!, all dis our Nigerian girls go wan dey copy am naa.. but the girl sexy no be small...hehehehe

   see the JUMBO  size wey she carry put for mouth...

Read More

CHRIS BROWN AGAIN ?

This chris Brown matta don tire me o!!  the guy no get woman joy at all at all, the guy too dey agressive sef. shey him no dey reason say all dis him behaviour go affect him career? at 24.
E be like say na fight him wan dey fight now abi, first na him girl friend dat year, Rihanna, afte,r him and Frank Ocean still fight for car park, the same chris brown don get gbege with Drake wey dat one throw bottle give am for jaw. now him don break one girl leg for night club, doctors talk say the girl fit do operation before the leg go fit dey alright. the boy no dey hear word and e be like say , e go better make him go jail small maybe him head go correct.

Read More

MANDELA STILL DEY CRITICAL CONDITION

E don dey go several days wey Nelson Mandela a.k.a  'MADIBA' don dey critical condition for hospital for South Africa and sources don confirm say him case done worse, say make we dey pray for am. president Jacob Zuma of South Africa don talk say doctors dey do everything wey dem fit do to help 94yr Old Mandela to regain stability.
Una sabi say South Africans like Mandela well well unto wetin him do to fight for freedom for all South Africans.

Mandela na the first black president for South Africa after the apertheid for 1994, dem talk say na the 4th time wey dem go hospitalize am unto wetin dem call "lung infection".
Dem talk say as Mandela sick, e no go affect the visist of President Barack Obama of the United States Of America wey don plan to visit South Africa, Tanzania and Senegal.
Our prayer na say make the number one man for South Africa regain him health

Read More

VIDEO: SEE D'BANJ AND 2CHAINZ FOR DKM CONCERT

for those wey no fit attend the concert wey happen last night, we don carry am come give una make una watch and judge wether e make sense or not.

many people been talk say the concert no too make sense, one person talk say him for don sleep as the show dey start lol... 

Read More

DKM CONCERT: see D'BANJ MONEY SUIT OOO

  NA WA OOO, WE HEAR THE MONEY NA REAL MONEY, DOLLARS!! PERSON GO THINK SAY NA BILLION DOLLARS HIM GET..LOL DANGOTE SEF NO FIT TRY AM

Read More

Unilag VC say dem no go collect student wey no get 200 for JAMB

 
Vice chancellor for UNILAG Professor Rahamon Adisa Bello don talk say student wey no get 200 no go fit collect admission  for the school even as Federal Government  don talk say 180 na him be cut-off for university. The VC still talk say JAMB don give university power to fit raise dem cut-off if dem no wan collect 180.

Read More

Johnny depp done blind for him left eye

 We gather say ace hollywood actor JOhnny Depp don blind finish put for him left eye. Johnny talk say na since when him be pikin him eyes don get wahala say no be today. 

Read More

Fatai rolling dollar pikin dem fit drop-out for school oooo!!!

Baba Fatai rolling dollar wey just answer God call recently na him we dey hear say him pikin dem fit comot school if government and all him fan dem no come help him pikin o. Baba wey be 86 when him die still get four small children, the one we old pass for dem pikin na 12 years old him be and na primary five him dey. Fatai rolling dollar family people dey talk say na small thing him be get for account when him pai say make government and baba fan come help dem children make dem no comot for school

Read More

{PICTURES}Serious para dey happen for Brazil as protesters full street

Many many people don para enta street for for Brazil where confederations cup dey happen, everybody dey complain say dem government no dey do better for them. As he dey hot we dey hear say enough people don die,many don injure,many properties don destroy. We hope say the protest go come down make all the people wey dey there for confederations cup fit come house safely and make the Government do the people better make dem fit host world cup next year without yawa.

Read More

{Picture} See Tools and MI dey kiss for public

See as MI open teeth, no be overload you wan carry so?

Read More

{PICTURE} Pastor Kumuyi Pikin marry for grand style

Pastor Kumuyi second pikin been marry him long time girlfriend last Saturday, her name na Love Odih, we hear na she be the pikin of the National overseer for deeperlife Jamaica pikin...see as he go

Read More

{PICTURE} See Essien wife

As he dey hot, we don comot for the darkness wey we been dey unto who Michael Essien dey marry. Micahel na him we hear say don dey marry him publicist, her name na  Akosua Pun. Akosua na head of Micheal Essien foundation and she don even born for Essien sef. We wish dem two all the best ooo!

Read More

(VIDEO) chai see as giant snake dey open door

WHICH KYN TIN BE DIS?? MAKE DIS KYN SNAKE DEY CHASE YOU MAKE YOU COME GO HIDE FOR INSIDE ROOM WEY NO GET KEY TO LOCK AM..E DON BE FOR YOU BE DAT OO

Read More

how to make your husban/ boyfriend/ fiance parents to like you

plenty women no understand how dem fit make dem husban or fiance or boyfriend parents to like dem, dem tink say na magic. some tins dey wey woman must do to achieve this.

 

1. no carry empty hand go dem house.

whether na party or just ordinary visiting, no carry emty hand go dia o!, u suppose ask your man wetin him people go like. you fit buy schanpps carry go give him Papa if him like to dey shack and you fit buy ankara give him mama, but never ever carry empty hand go him people house. i know say na so so bread some of una go buy , try to step up ur game.

2. no dress like ashewo oo!!

some of una tink say e no mean to open bobby put for ground, your man parents no go support dat kyn tin o!, dem go begin dey reason say u fit go dey knack another man unto wetin you wear, dress like a woman of God if na wetin e go take, no wear skinny jeas wey go dey confuse your husband papa o! just wear normal clothe wey no go expose anything.

3. try to dey friendly with him siblings

no go dey form proud for him parents house, try to dey familiar with him younger ones if dem dey around, try to know more about dem so dem go fit like you. problem go dey if you just sit down for parlor dey look, dem go think say you proud or you no sharp.

4. try to help out for kitchen and other things

as the mama dey stand up to go cook for kitchen , na him you sef must follow. even if you no sabi cook, make dem think say you no useless or say you be spoilt pikin, no wait till dem tell you food is ready or "aunty come chop". try to dey active, try to wash plate wey all of una use chop. sometimes the mama fit talk say make you leave am, no gree o!! na set up! lol

5. finally

you must say thank you well well, you must to kneel down and do like pesin wey get 'home training'. make sure say you dey call dem regularly make dem know say you care about dem too. try to be nice and polite at all times. no go dey squeeze face like foul yansh anytime wey dem come from village come do holliday for una house o..

Read More

COMPASS PIKIN Dis kanye west sef. how you go name pikin 'North West'?

dis kanye just like attention too much! abi wetin we go call dis kyn tin?? shey na creativity go make parent name him pikin North west??  but wetin be the concept? na only dem sabi o.

Read More

Relationship tips: how to ask a guy out

JUST DO AM

 

men dey feel am when woman ask dem out, e dey make our head swell most times especially if the girl fine pieces lol... we sabi say no be easy task but e go give woman edge for inside relationship.

you fit buy drink give am for club.

If na for inside club you reason say one guy dey eye from one corner, you fit just send bar man make him give am drink, the bar man for don see wetin dey him table, but no go dey do pass yoursf o!!. make woman sef take charge, no be by mouth talk be gender equality. dis kyn tin dey trip man, e go sabi say the girl no be 'ebinna' ...

suggest say make una hangout

no be say u go come carry am go your room o! well, if na so you want am then notin do you. we suggest say make you just try carry am go somehwere were una go fit gist, una fit gather go viewing center for weekend if the guy na football fanatic...

make him sabi your friends

but you must dey carefull oo! all those your single friends wey no get your joy fit carry your new catch go oo! at the same time no go dey do 'close marking', you must allow make everything dey natural so the guy no go dey look you like 'do or die' girl, guys no like am.

allow make the guy finish the whole matta

no go dey tink say because say na you initiate sometin , the guy go allow make you dey lead am dey go. man like to dey in charge so you must give am chance to take him position, make him sef suggest some kyn activities of which e fit be bedroom tins but still on still, allow him to be a man.. him don already sabi where everything dey go.

Read More

how to break up with woman

if you una want smooth break up, make una follow dis procedures

 

1. sharply operate.

anything wey you wan do or tell the woman, do am sharperly!! no waste time dey tink or rehearse wetin you wan talk, talk am straight!! the more time wey you been dey reason wetin and how you wan talk wetin you go take break up, the more fear go dey catch u!! i know say many of una dey fear 'hot water' and 'acid' , nor worry, just do wetin you wan do. God dey with you

2. No go dey worry unto friendship tins

i know say many guys go dey reason to promise the girl friendship unto guilt tins, you no need am!!! just tell and try to dey honest and straight with am. no go dey use am dey do dp for BBM o!! e nor make sense!!
the friends wey you get done do already, move on, give the woman chance make she forget about you.

3. no go dey make enemies oo!!

i know say many of us men no get manners, some of us go yab woman unto say we break up with am, but why?? we no need that kyn situation o!! na wetin make sade pour hot water on top samson head be dat o!!.. just try show small respect, try dey polite, no too shout on top the woman head. take am easy den waka comot. she no gaz become your enemy because you break up with am, apply wisdom.

4. try to stay away from am

na dat time some guys go begin dey change dp everytime, if you no get mind to delete am comot your life, no dey give am chance to dey reason your matta. some guys go come go dey tweet relationship quotes and all those nonsense yarns, guy! you no need am. in fact you fit stay away from all these social media for some time till the whole matta die down. no go dey pass where you know say she dey always dey, no go dey folow her friends dey talk nonsense. stay away!! .. one day you fit just go see am remember some kyn tins make konji catch you join, stay away my brother!

all this procedures wey dey here sef go work for guy wey girl just dump! na still the same process same situation. no how wey una wan do am, pesin must to cry, e must pain pesin so no worry because na just for a while

Read More

(NEW VIDEO) ICE PRINCE V.I.P

many artiste like M.I, Dr. SID, Phyno, Lynxxx, IllBliss e.t.c. Directed by Clarence Peters sef dey dia

Read More

OJB JEZREEL need una help ooooo #saveojbjezreel

OJB JEZREEL  get kidney wahala and na on top dialysis him dey oo #saveojb

  Make all of us join hands help one of our legends wey dey him trying times now!! as all us sabi say OJB na very talented producer and musician, e no go make sense make all of us dey look oo!! whatever we get to help our legend, make we do am
 make una Transfer money to OJB's acc now, no be only  Tweet go do am o! na  only 3mins to do transfer  online! BABATUNDE OKUNGBOWA UBA Acct 1015075120 Save a legend!

Read More

Davido a.k.a O.B.O go rock Budapest tonight

Davido a.ka. Omo Baba Olowo don ready to shut everywia for budapest down!  dem go hear am. we sabi as Davido dey rock on top stage and we sabi say him go give dem wetin dem never see for budapest before!!! Budapest bawo?? wetin dem sabi? dem go hear am!
Rock dey go Davido!!!!

Read More

O.A.U girl no try to flush her pikin ooooo

OAU authorities don comot to talk say Oyin no try to kill her pikin

  School authorities don talk say Oyin wey dey elect elect 400 level no mean to flush her pikin for inside toilet, dem talk say she no sabi say she dey for labour say na as she dey use toilet na him pikin comot for her body. Na dat time she begin to shout for help dey call all her friends to come see wetin don happen.. dis one na very strange matta o!! one doctor wey we follow talk yarn say e dey happen well well  wey woman go dey inside labour wey she no go sabi..
Oyin and her pikin dey perfect condition for clinic. wwe dey wish her and her baby the best for this life.

Read More

See Pictures : BRT almost fall commot for eko bridge today!!!

 News dey reach us now say one BRT bus almost fall commot for Iponri area for Eko bridge , we hear say the driver dey do anyhow na him the BRT almost commot for him lane. We thank God say nothing happen sha . All these drivers make dem dey do small small ooooooooh.

Read More

BABA ADEBOYE A.K.A G.O of RCCG don launch 'CAMP' for yankee

Pastor E.A Adeboye of Reedemed Christian Church of God don pray for double portion for yankee people.

Baba Adeboye bless yankee people when him dey inaugurate the North American Redemption Camp for Greenville on top wednesday.

we hear say the place big so te e fit contain over one million people and dem even talk say na him go be the largest Nigerian Church for yankee.. Naija!!!

just like the one wey dey Lagos-Ibadan expressway, e go get everything like schools, university, fish farms and housing estates.

News like this dey make man to wan think to start him own church, as many of our Nigerian pastors dey build big big churches these days, churches wey dey break records for d whole world. Na naija dey get biggest church, finest church but our country dey spoil more and more everyday. na all the pastors for naija don buy jet finish, small time na yacht and ship dem go dey buy. Na only God know who dey serve am with all him heart. We no dey judge anybody oo!!! we just dey reason the                       whole matta.     

Read More

Lionel Messi and him Papa fit go jail unto tax fraud

judge don summon messi unto £3.4 million dollar tax fraud!!!!

we hear say Messi fit go jail unto tax fraud and them do summon am to court for Barcelona. Tax authorities for Spain don accuse Messi and him Papa say dem defraud dem for money wey go reach four million euros, the Spanish authorities talk say messi and him Papa dey use Messi image cheat ontop him income from 2006-2009.

na wa o!! pefrson wey look Messi go tink say na angelof God, him sef don enter yawa like many other great sportsmen for past, like Tiger Woods and Beckham dem dem..

dem talk say na him Papa be the main suspect, say na him carry the idea come and Messi agree to am.. poor pikin!! wetin go happen if him go jail?? him go lose all him sponsorship deals and na big yawa be that...

Read More

"I no dey dey do cheap money" Wizkid don reply Unilag students

All of us sabi say wizkid bin dey police station yesterday unto say some unilag students talk say him bin collect 500,000 naira from dem for show and him no come show for the concert. Na wizkid lawyer come bail am for police station yesterday. Wizkid na him don tweet say him no dey dey do cheape show.

Read More

(VIDEO) SEE AS RIHANNA TAKE MIC SMASH PERSON FACE

dis girl get craze for head well well o!!!

Read More

Police don nabb wizkid and him manager unto fraud

We hear say police for onikan zone 2 command arrest wizkid a.k.a starboy, and him manager. Some unilag students go report both of then join unto say them no show for show wey dem don pay for.
yawa gass wen Wizkid and him manager no call them to explain why dem no show for the show after the UNILAG students don pay dem 500thousand naira to perform for dia sport complex.
we no talk say them lock them up oo!!! na arrest dem arrest them and dem don talk say make dem dey go as investigation dey continue on top the case..
no be today we dey hear say all these artistes go collect money wey dem no go come perform..

Read More

See wetin diz man dey do him wife for public

Read More