Thunder don kill four people for Nasarawa on Friday .

The news wey we hear be say thunder kill 4 people for one mechanic village  in Lafia Local Government Area of Nasarawa State.

One eyewitness talk say the gbege happen at Bukan-Sidi around that kain 7:05p.m when the four men be wan leave their workshop unto the downpour.

According to wetin the eyewitness talk, when the deceased notice say rain wan fall , they kon decide to lockup their workshop and go home, but before they even commot for the shop na him thunder strike.

Different people for the area just they pity and talk about the incident wey happen.

Now the dead body of these four people dey Dahaltu Araf Specialist Hospital in Lafia.

The Deputy Police Public Relations Officer in the police Command in the state ,ASP Cornelious Ocholi , na him confirm the story .

Read More

OGA OOO!! See woman makeup for Wizkid face!!

Who send am message now, e no even fine.

Read More

Ese Walters: Anoda COZA Accuser Don Show o!

E be like say dis matter no go end anytime soon as many people just dey show from left right and center to talk dem own experience for Pastor Biodun hand o!
Dis new accuser don hide him identity so e go hard to confam all the tins wey him talk say Pastor Biodun  and him fellow pastors dey take all dis girls dem eye see.
The new accuser talk say him Girlfriend almost fall for inside the pastor trap, say anoda fellow worker for the same COZA talk say pastor Biodun dey  request for 'Oral Sex' for the girl hand. O ga O!

The tins wey this new accuser talk plenty no be small. Him talk say the tins wey pastor Biodun dey do no be today o, say him don spoil one marriage for Ilorin branch, say the reason for the breakup na the  corner corner tins wey pastor Biodun dey do with anoda man wife.

Dis matter just dey wide dey go, but we must dey careful because many people go wan dey take style dey lie join, but if all dis story na true, no be small tin o!!

Everybody still dey wait make Pastor Biodun talk him own side of the story or whether him go just deny am for wetin him call "Robust Reply"...

Read More

Dem don arrest one fake CNN reporter for Bayelsa

The Chairman of the Nigerian Union of Journalists (NUJ) for Bayelsa state , Comrade Tare Akono, don catch one 36years old man Paul Yempe , him dey claim say him be Cable News Network (CNN) correspondent for Niger Delta region. dem don hand am over to the Department of State Service (DSS) .

SSS talk say dem arrest the fake CNN reporter with an Identification card wey be Rivers State Broadcasting Corporation wey dem also dey call Radio Rivers and dem also see am with a fake Identification Card of CNN.

We gather say dem arrest the fake journalist for the office of Commissioner for Energy, Barr. Akio Francis last Thursday.

Wetin make the arrest possible na unto say NUJ chairman, Tare Akono dey Commissioner office dat day.

According to wetin one security source talk , the suspect don swindle some state official before now .

Read More

I For Date Melvin If To Say I Single- Dillish

BBA winner Dillish Mathews don talk say she for like to date Melvin if to say she single before she enter Big Brother house...

Na everybody been like Dillish well well for this season of BBA, she don already tell all her housemates say she no go follow dem do lovey lovey unto say she don get bobo for Namibia, say she na honest person so she must to stay true to her bobo.

Dillish talk say she no want make the relationship wey she get with her bobo wey dey Namibia to spoil for her hand, say e better make her bobo spoil everything so that she go fit talk say no be her fault.
she talk say she for like to date Bolt sef unto say the guy handsome, but say him too dey talk nonsense.. na how many people she come like?

Shey she even like the bobo sef? with all this tins wey she dey talk....

Read More

Afro Candy don invite Beverly Osu to kon show for her next movie

Na wa ooooo , this one funny die . Afro Candy don come out publicly to say she dey willing to offer Beverly Osu a role for her next movie wey dey come soon , unto say how Beverly take do every every for BBA , say Miss Osu get wetin she need for her kind of production .

Afro Candy even talk say she for like Beverly to win the BBA contest .

We still dey await Beverly response .

Shay she go say YES/NO ?

See Afro Candy statement below .


                                                         

Read More

Suntai Don Sack Everybody For Him Cabinet

Suntai Don Sack Everybody For Him Cabinet, Come appoint new SSG , and Chief Of Staff..

Taraba State Governor, Danbaba Suntai, don sack all the members of him cabinet, na hin be the first thing wey him go do since he don come back to collect him leadership.
The tin wey Governor Suntai do affect all the special advisers, but him no touch Special assistants dem dem.
Governor Suntai come appoint Mr. Gebon Timothy Kataes as new Secretary to the State Government, Mallam Aminu Gika na the new Chief of Staff..

Na only God know the kind levels wey dis matter dey enter o!.... make we dey look.

Read More

Picture: OJB Jezreel dey hospital for India

OJB dey receive treatment hospital for India now , as we report before say him leave Naija for India on 24th of August, 2013.The transplant go happen soon , him dey thank everyone for their blessings and him also talk say make people of Naija continue to pray for am .
 We for @9jawetindey wish you well oooooh , you go return back here safely .

Read More

Six PDP governors wan register theirs new parties .

The Independent Electoral Commission(INEC), on Tuesday talk say dem dey receive like five applications for registration of some new political parties every week.

Mr Kayode Idowu , the Chief Press Secretary (CPS) to INEC Chairman, na him tell the News Agency of Nigeria (NAN) for Abuja.

The NAN spokesman just dey ask question about the rumour wey dem say six governors of PDP don approach the commission untop say dem wan register new parties .

Na normal thing for politician to approach INEC say dem wan register new parties , but no be INEC duty to put priority untop any application.

INEC as a political umpire don enter wahala unto registration and de-registration of new political parties wey dem dey see.

Mr Kayode talk say na INEC dey decide untop person wey meet the required standard wey go with the electoral law .

He continue him talk , say the commission dey receive application every week , and say the commission go consider each applicant in accordance with the electoral law.

He kon add say , INEC dey barred to entertain that kind request 90 days before a general election.

Read More

The original black diamond EFFJAY drop two konfam songs: REGULARLY + ANGELINA

Francis Joseph Ushigiale wey him Stage name be Effjay na 17 year old multi-talented pikin. Effjay get strong passion for music and him sabi play saxophone. Him just drop two songs  titled "Regularly" and "Angelina". Him inspiration na from Oga for music industry like Fela Kuti,Damian Marley,D'banj and Tuface, and for that young age who sabi where music fit take am to.

Make una hear am !

Read More

Picture : See the last 5 standing for BBA the chase

The big brother africa the chase don dey near its end, as per say e remain 5 people for house . Make we see how everything go end sha .

BEVERLY- NIGERIA

DILISH- NAMIBIA 

                                                                  CLEO- ZAMBIA

ELIKEM- GHANA

                                                             MELVIN- NIGERIA

Read More

Picture :See top 10 beers for world

 






Unto one product research site we gather the top 10 beers for world .The reports come from FindTheBest na dem gather and filter wetin consumers and experts think about beers across web .
FindTheBest CEO Kevin O'Connor talk say the important quality beers suppose get na how the taste be ,another thing be the look ,smell and texture the beer get .

Read More

APC : Igbo president for 2015

One chief for All Progressive Congress , Chief George Moghalu on Wednesday boast say him party go produce Igbo president for 2015.
 Chief Moghalu talk say APC dey capable to meet the desires of South East if dem fit produce president from Igbo land. He even talk say the coming of APC go change the face of democracy for Nigeria, unto say government go fit do better for Nigerians to enjoy dividends of democracy .

Read More

{FOTO} EHYA: Peter okoye of psquare don finally propose to LOLA

 
As e dey hot we fit tell una categorically say peter Okoye of p square don propose to lola wey don born two pikin for am. Today for Square mansion na him peter ask lola make she marry am,he even still buy am range rover. As the pictures wey comot be, she don gree to marry am. We just hope say den wedding no go be for Dubai o.



 We dey wish dem happy life together ooo

Read More

Pictrures: Nicki Minaj naked picture inside bathroom

 Na wa ooooh , American rapper Nicki Minaj don post a naked pic of herself when she dey bathroom .

Read More

Pictures : See Yvonne Okoro boobs and new look

Everybody don sabi Yvonne Okoro in her long black curly locks. wer sabi say she dey always wear dem down her shoulders and on occasions, we don see sometimes as she dey rock short styles and her other bold colours.

  Now we don spot am as she rock red hair , though no be her first time be dis wey she dey on red hair. The last time we see am wey she dey on red hair na like five months ago when she dey promote her new movie . "Contarct".

Wetin una think about dis new look 

Read More

Olamide don be CIROC ambassador 4 naija

 
Olamide na him we dey hear say don be CIROC ambassador for Naija, Ciroc na Vodka no be record Label ooooooo LWKMD. Na only Olamide dem don sign for Naija and we hear say the deal na multimillion naira deal, so olamide sef don join people like Rick Ross dem,french montana, DJ khaled etc. Nice 1 olamide!

Read More

Majek fashek don turn born again ooooo

  
Singer Majek Fashek don give him life to Christ, if u sabi am wella before you go sabi say na confirm igbobian and shayo sombody but all na history now as e don turn born again.Baba confirm am for public for Christ Miracle Church Mission,iyasuna crescent,off Ishola Bello street, Ojodu, Lagos where him be attend anointing service for the church he come convert. People wey dey the service been confirm am say e don turn born again and everybody happy for am, him still carry mic sing one of him hit song Holy spirit that day sef.
 

Read More

Pictures : pls save OJB

Some entertainers and group media friends go visit producer Ojb Jezreel for him house at No 4, Gbaja street, surulere on Monday June 24, 2013.

The support wey people dey give Ojb don increase so tay fans and colleagues don dey try their best to donate wetin dem fit donate, and they also visit the Singer/producer for him house in Surulere.

Some of them come donate , some just wan come visit am just to know how e dey go for am , vector na him we see say him dey pray for the ailing singer/producer . E neva too tay wey Don Jazzy donate N1 million to help OJB raise the money for him kidney problem. 

People wey come visit OJB for him house na Vector, Yemi Alade, Dj Jimmy Jatt, Jaywon, Kag, Mr Cool and other people .

@9jawetindey prayer be say make God send am help from above and make divine healing be him portion.

Read More

PICTURES: DAVIDO ROCKING EUROPE (exclusive)

see as omo baba olowo dey rock Europe!!!

Read More

VIDEO: SEE IYANYA FOR BBC INTERVIEW

Read More

MORE PICTURES Dis Rihanna Girl Ehnn

Rihanna can like to smoke IGBOOO!!!, all dis our Nigerian girls go wan dey copy am naa.. but the girl sexy no be small...hehehehe

   see the JUMBO  size wey she carry put for mouth...

Read More

CHRIS BROWN AGAIN ?

This chris Brown matta don tire me o!!  the guy no get woman joy at all at all, the guy too dey agressive sef. shey him no dey reason say all dis him behaviour go affect him career? at 24.
E be like say na fight him wan dey fight now abi, first na him girl friend dat year, Rihanna, afte,r him and Frank Ocean still fight for car park, the same chris brown don get gbege with Drake wey dat one throw bottle give am for jaw. now him don break one girl leg for night club, doctors talk say the girl fit do operation before the leg go fit dey alright. the boy no dey hear word and e be like say , e go better make him go jail small maybe him head go correct.

Read More

MANDELA STILL DEY CRITICAL CONDITION

E don dey go several days wey Nelson Mandela a.k.a  'MADIBA' don dey critical condition for hospital for South Africa and sources don confirm say him case done worse, say make we dey pray for am. president Jacob Zuma of South Africa don talk say doctors dey do everything wey dem fit do to help 94yr Old Mandela to regain stability.
Una sabi say South Africans like Mandela well well unto wetin him do to fight for freedom for all South Africans.

Mandela na the first black president for South Africa after the apertheid for 1994, dem talk say na the 4th time wey dem go hospitalize am unto wetin dem call "lung infection".
Dem talk say as Mandela sick, e no go affect the visist of President Barack Obama of the United States Of America wey don plan to visit South Africa, Tanzania and Senegal.
Our prayer na say make the number one man for South Africa regain him health

Read More

VIDEO: SEE D'BANJ AND 2CHAINZ FOR DKM CONCERT

for those wey no fit attend the concert wey happen last night, we don carry am come give una make una watch and judge wether e make sense or not.

many people been talk say the concert no too make sense, one person talk say him for don sleep as the show dey start lol... 

Read More

DKM CONCERT: see D'BANJ MONEY SUIT OOO

  NA WA OOO, WE HEAR THE MONEY NA REAL MONEY, DOLLARS!! PERSON GO THINK SAY NA BILLION DOLLARS HIM GET..LOL DANGOTE SEF NO FIT TRY AM

Read More

Unilag VC say dem no go collect student wey no get 200 for JAMB

 
Vice chancellor for UNILAG Professor Rahamon Adisa Bello don talk say student wey no get 200 no go fit collect admission  for the school even as Federal Government  don talk say 180 na him be cut-off for university. The VC still talk say JAMB don give university power to fit raise dem cut-off if dem no wan collect 180.

Read More